Kapudan Süleyman Paşa Çeşmesi Kitabesi:

Sâhibü’l-hayr Kapudan Süleymân Paşa

Zâtîdîr bahr ata’ bu eltâf-ı ...îm

‘Ayn-ı ihsân ü kerem kulzüm bî ka‘r-ı himem

Bermekiyyü’ş-şiyem ol dâver-i dânâ vü kerîm

Kapudân olalı bahrına o zât-ı ekrem

Ki kılâ‘ eyledi inşâd gehî mâ’-i na‘îm

Göricek ana dahi menba‘-ı ihsânından

Etdi bu çeşmeyi icrâ’ ile cûdîn ta‘mîm

Kevser-i lutf ü gınâ bahşla sîrâb itsün

Ânı da ‘âlem-i Ukbâ’da Hudâvend-i ‘alîm

İstanköy Rüştiyesi Kitabesi:

Bârekallâh bir Şehinşâh-ı ma’ârif-perverin

Sâye-i şevketlerinde cem‘ olup ehl-i yakîn

Yaptılar bir mekteb-i rüşdiye-yi dârü’l-fünûn

Gıpta-bahşây-ı ‘umûm oldu sezây-ı âferîn

Pür ziyâ olsun derûni şu‘le-i ta‘lîm ile

İktisâb-ı feyz ide bunda ‘umûmen dâhilîn

Girdi beş ‘ârif didiler Yûsûfen tarihine

İktibâsı ‘ilm içün gelsün süfûf-ı tâlibîn 1303

Ders-i ‘âmm fâtihü’l-hâc Yûsûf Ziyâ-yı Şirvânî 1303 (1885-86)

Liman Çeşmesi Kitabesi:

Vâlî-i Bahr-i Sefîd-i pür-kerem

Nesl-i Ahmed’den Şerîf ibn Şerîf

Yapdı limâna bu zibâ çeşmeyi

Âbı a‘lâ, tarhı vâlâ, pek zarîf

Akdı bir tarih-i ra‘nâ hâmeden

Gelsün içsün şengân-ı ma’-i latîf

1289 (1872-73)

Ve ce’alnâ mine’l-mâ’i külle şey’in hayy 1310 (1892-93)

(Enbiya Suresi 21/30. ayet: Biz her canlı şeyi sudan yarattık.)

Tabahna (Tabakhane) Camii Kitabesi:

(Tuğra) Sultan İkinci Abdülhamid

Bi-hamdillâh şereflendi zamân-i Şehinşâhîde

O dem tecdidine fermân buyurub bed’ olundukda

İki er çıktı nûrânî Rızâ tarihini yazdı

Nice yıl münhedim iken bu Câmi’-i debbahhâne

Müyesser oldu itmâmı çok olsun ömr-i şâhâne

Edâ kılub namazın kıl du’â Abdülhamîd Hân’a

Nemekahu es-Seyyîd el-Hâc Hasan Rızâ 1310 (1892-93)